Y Bencampwriaeth Rygbi Unedig: Sharks 25-10 Gweilch
- Cyhoeddwyd
Sgoriodd Luke Morgan gais campus i'r Gweilch, sydd heb ennill oddi cartref yn y Bencampwriaeth Rygbi Unedig ers Hydref 2021
Methu wnaeth ymdrech y Gweilch i gofnodi buddugoliaeth gyntaf yn Ne Affrica yn y Bencampwriaeth Rygbi Unedig wrth i'r Sharks ymateb i'r golled yn erbyn Rygbi Caerdydd ddydd Sul.
Ciciau cosb Curwin Bosch oedd y gwahaniaeth rhwng y ddau dîm wedi hanner cyntaf eithaf blêr ar brydiau.
Fe diriodd Luke Morgan ar ddiwedd symudiad cofiadwy gan y Gweilch cyn i Sikhumbuzo Notshe groesi'r llinell mewn ymateb i'r tîm cartref.
Fe wnaeth ail gais y Gweilch, gan Morgan Morris, leihau'r bwlch i bwynt un unig ond fe diriodd Bosch a James Venter yn hwyr yn y gêm i selio'r fuddugoliaeth.
Mae'r Gweilch yn aros yn y 14eg safle gyda 14 o bwyntiau.