Tân mawr wedi dinistrio hen siop ym Mangor dros nos
- Cyhoeddwyd
Mae diffoddwyr wedi bod yn delio gyda thân mawr sydd wedi dinistrio adeilad ym Mangor dros nos.
Cafodd y gwasanaeth tân eu galw i'r digwyddiad mewn hen siop ar Ffordd Caergybi - mae'r gwasanaeth yn ei disgrifio fel "ystafell arddangos" - toc cyn 21:00 nos Lun.
Dywedodd y gwasanaeth fod y tân "dan reolaeth" ychydig cyn hanner nos, ond fod yr adeilad wedi'i ddinistrio.
Mae ymchwiliad wedi'i lansio i achos y tân.