Gwagio adeilad Prifysgol Caerdydd ar ôl i gemegion ollwng
- Cyhoeddwyd
Fe wnaeth y Brifysgol gadarnhau fod parafeddygon yn gweld "nifer fach" o bobl, rhag ofn
Mae staff a myfyrwyr wedi gorfod gadael prif adeilad Prifysgol Caerdydd ar ôl i gemegion ollwng.
Cafodd y gwasanaethau brys eu galw tua 11:15 fore Mawrth.
Dywedodd llefarydd ar ran Prifysgol Caerdydd y bydd yr adeilad yn parhau ar gau am gyfnod a bod y sefyllfa dan reolaeth.
Bydd yn parhau ar gau "nes ein bod yn hyderus nad oes risg i iechyd a diogelwch".
Doedd yna ddim adroddiadau fod unrhyw un wedi ei anafu ond cafodd "nifer fach" o bobl eu gweld rhag ofn gan barafeddygon.
Dywed Heddlu'r De fod y ffordd rhwng Maes yr Amgueddfa a Theras Cathays wedi ei chau dros dro, ac maen nhw'n cynghori pobl i gadw draw o'r ardal.