Caerdydd: Darganfod corff yn Llyn Parc y Rhath

Gwasanaethau heddlu a thân ger Llyn Parc y Rhath

Mae corff dyn wedi cael ei ddarganfod yn Llyn Parc y Rhath, Caerdydd, yn ôl Heddlu De Cymru.

Cafodd gwasanaethau brys eu galw i'r ardal yn fuan wedi 20:30 ddydd Sadwrn.

Dydd Sul cadarnhaodd yr heddlu bod corff dyn wedi cael ei ddarganfod.

Dywedodd y llu eu bod wedi cael ei galw i'r digwyddiad "yn dilyn pryderon am les dyn 46 oed a oedd heb ddychwelyd i'r lan ar ôl mynd i mewn i'r dŵr."

Ychwanegodd yr heddlu nad yw'r farwolaeth yn cael ei thrin fel un amheus ar hyn o bryd.