Lluniau Pride Cymru 2023
- Cyhoeddwyd
Dros benwythnos 17-18 Mehefin roedd digwyddiad Pride Cymru yng Nghaerdydd.
Gorymdeithiodd miloedd o bobl drwy strydoedd y brifddinas ddydd Sadwrn, a Chastell Caerdydd oedd lleoliad perfformiadau cerddorol, comedi a mwy dros y penwythnos.
Roedd teimlad o barti ar strydoedd Caerdydd ddydd Sadwrn...
... tra bod teimlad ychydig mwy hamddenol brynhawn Sul.
Y gantores Bronwen Lewis ar y ffordd i'r brif lwyfan gyda munudau i fynd... ond mae digon o amser i aros i gael clonc gyda'i ffans.
Aelodau o House of Deviant - yr unig grŵp drag ag anghenion dysgu yng Nghymru - yn mwynhau'r orymdaith.
Connie Orff oedd yn agor y brif lwyfan anferth Ddydd Sul gyda'i set ddwyieithog.
Criw ifanc yn mwynhau perfformiad Dolly Parton Experience.
Roedd Aida H Dee, yn ei ffrog balŵns amryliw, hefyd yn cynnal sesiwn amser stori.
Balchder ar y Sul a chroeso i bawb.
Roedd digon o liw... a digon o falŵns...
Gwyntyll amryliw - jest y peth yn y tywydd braf.
Roedd Mistar Urdd yn gorymdeithio yn ei het enfys anferth.
Dwy fam gyda'u plant yn joio'r dathliadau.
"Maggi Maggi Maggi!" - mae'n rhaid cael llun gyda Maggi Nogi.
Balchder wrth fwynhau Pride Cymru 2023.
Hefyd o ddiddordeb: