Nofiwr yn yr ysbyty ar ôl cael ei achub yn Sir Fôn
- Cyhoeddwyd
Fe gafodd timau achub eu galw i Borth Dafarch brynhawn Sul
Mae nofiwr wedi ei gludo i'r ysbyty ar ôl cael ei achub o'r creigiau ym Mhorth Dafarch yn Sir Fôn brynhawn Sul.
Dywedodd Gwylwyr y Glannau Caergybi y cafodd y dyn ei gludo i'r ysbyty mewn hofrennydd.
Fe gafodd y gwasanaethau brys eu galw tua 14:25.
Fe gafodd tîm achub Moelfre eu galw hefyd, yn ogystal â dau gwch o Fae Trearddur.