Arestio dyn ar ôl ymosodiad difrifol yn Llandaf
- Cyhoeddwyd
Mae dyn wedi cael ei arestio ar ôl ymosodiad difrifol yng Nghaerdydd ddydd Sul.
Cafodd Heddlu'r De eu galw i Stryd y Capel yn Llandaf ychydig cyn 11:30.
Dywedodd y llu fod swyddogion arfog wedi eu galw fel rhagofal.
Mae'r dyn a gafodd ei arestio wedi'i gymryd i orsaf heddlu Bae Caerdydd.
Mae'r heddlu yn rhybuddio pobl sy'n mynd i ddigwyddiadau yn Llandaf fod diffyg llefydd parcio yn sgil y digwyddiad.