Rhybudd melyn am law trwm i'r mwyafrif helaeth o Gymru

Mae'r rhybudd yn berthnasol i bob sir oni bai am Ynys Môn a Sir y Fflint

Mae'r Swyddfa Dywydd wedi cyhoeddi rhybudd melyn am law trwm ar gyfer rhannau helaeth o Gymru.

Mae'r rhybudd yn dod i rym am 00:00 fore Gwener, ac mae'n para tan 15:00.

Bydd yn weithredol ar gyfer pob sir yng Nghymru oni bai am Ynys Môn a Sir y Fflint.

Mae disgwyl hyd at 15mm o law yn eang ar draws ardal y rhybudd, ac efallai hyd at 30mm mewn mannau.

Mae'r Swyddfa Dywydd yn rhybuddio y gallai gael effaith ar systemau trafnidiaeth, ac y gallai'r glaw droi'n eira ar dir uchel.