Caerdydd: Ymchwiliad i farwolaeth 'heb esboniad'

Mae ymchwiliad yn cael ei gynnal yn dilyn marwolaeth "annisgwyl" dyn yng Nghaerdydd.

Cafodd yr heddlu eu galw i safle ger Clwb Rygbi Llandaf ar Rodfa'r Gorllewin tua 03:00 ddydd Llun.

Dywedodd llefarydd Heddlu'r De eu bod yn trin y farwolaeth fel un "heb esboniad".

Mae'r llu wedi cau ardal o amgylch y clwb a Phrifysgol Metropolitan Caerdydd, a phont droed dros Rodfa'r Gorllewin.