Bale yw Chwaraewr Y Flwyddyn
- Cyhoeddwyd
Gareth Bale
Cafodd Gareth Bale ei enwi'n Bêl-droediwr Gorau Cymru am yr ail flwyddyn yn olynol mewn seremoni arbennig yn yr Amgueddfa Genedlaethol yng Nghaerdydd nos Fawrth.
Y chwaraewr 22 oed oedd seren Cymru yn y ddwy gêm ddiweddar yn erbyn Montenegro a Lloegr yn Euro 2012.
Mae bellach wedi ennill 30 o gapiau dros ei wlad ers cael ei gap cyntaf yn erbyn Trinidad & Tobago yn 2006.
Aeth y wobr am chwaraewr ifanc y flwyddyn i Joe Allen o glwb Abertawe yn dilyn tymor llwyddiannus a welodd ei glwb yn ennill dyrchafiad i'r Uwchgynghrair.
Cafodd ei gyd-chwaraewr yn Abertawe - Ashley Williams - hefyd yn anrhydeddu gyda'r wobr am "Chwaraewr Clwb Gorau'r Tymor" am y drydedd flwyddyn o'r bron.