Galw am ardal fenter yng Nghasnewydd

Y pum parth yw Ynys Môn, Glyn Ebwy, Glannau Dyfrdwy, Sain Tathan ym Mro Morgannwg a Chaerdydd

Mae deiseb yn cael ei chyflwyno i'r Senedd yn galw ar Lywodraeth Cymru i greu ardal fenter yng Nghasnewydd.

Mae diwydiannau ym mhum parth yng Nghymru i dderbyn rhyddhad ardrethi a gallent dderbyn gostyngiadau yn eu trethi.

Y pum parth yw Ynys Môn, Glyn Ebwy, Glannau Dyfrdwy, Sain Tathan ym Mro Morgannwg a Chaerdydd.

Ond mae cynghorydd Dinas Casnewydd, David Williams am i'r mater gael ei drafod yn y Senedd.

'Paced o sigaréts'

Mr Williams sydd y tu cefn i'r ddeiseb fydd yn cael ei chyflwyno i aelodau o'r Pwyllgor Deisebau, grŵp trawsbleidiol sydd yn cael ei gadeirio gan AC Canolbarth a Gorllewin Cymru, Williams Powell.

Mae Llywodraeth Cymru wedi eu cyhuddo o beidio â chreu digon o ardaloedd menter o'i gymharu â Lloegr, lle bydd 21 ardal menter yn cael eu creu.

Dywedodd y Gweinidog Busnes, Edwina Hart eu bod wedi gwneud ei phenderfyniad wedi iddi siarad â busnesau yn ystod yr haf.

Ond mae arweinydd y Ceidwadwyr Cymreig yn y Cynulliad, Andrew RT Davies yn honni bod polisi'r llywodraeth ynghylch ardaloedd menter wedi ei greu "ar gefn paced o sigarets".

Dywedodd llefarydd Plaid Cymru ar yr economi, Alun Ffred Jones, nad oedd "llawer o ardaloedd" Cymru wedi eu cynnwys.