Cymru i gyrraedd rhif 8 ar restr FIFA
- Cyhoeddwyd
Chwaraewyr a thîm hyfforddi Cymru yn dathlu gôl Gareth Bale yn erbyn Cyprus
Mae disgwyl y bydd tîm pêl-droed Cymru yn codi i safle rhif wyth yn y byd pan fydd FIFA yn rhyddhau manylion eu tabl detholion diweddara ar 1 Hydref.
Ar ôl curo Cyprus a chael gêm gyfartal yn erbyn Israel mae tîm Chris Coleman o fewn trwch blewyn i gyrraedd rowndiau terfynol Euro 2016.
Fe fydd Cymru yn codi uwchben Chile yn y rhestr detholion nesaf, gyda Chile yn gostwng i safle rhif 9 yn y byd, a Lloegr yn aros yn rhif 10.
Pe bai Cymru wedi curo Israel fe fyddant wedi codi i rif 4 yn y byd.
Yr Ariannin sy'n parhau ar frig y rhestr, gyda'r Almaen yn symud i'r ail safle, gan ddisodli Gwlad Belg, sy'n gostwng i'r trydydd safle.
Dyma'r ffigyrau diweddara o'r fformiwla mae FIFA yn ei ddefnyddio i benderfynu safle detholion