Troseddau rhyw: Apêl Heddlu'r Gogledd am ddyn
- Cyhoeddwyd
David Daniel Hayes
Mae Heddlu Gogledd Cymru yn apelio am wybodaeth i ddod o hyd i ddyn 37 oed maen nhw am ei holi mewn cysylltiad gyda throseddau rhyw yn erbyn plant yn Sir Fôn.
Y gred yw bod David Daniel Hayes wedi gadael yr ardal ar ôl iddo ymddangos o flaen llys ym mis Tachwedd 2015. Fe gafodd ei ryddhau ar fechniaeth ond fe fethodd a dychwelyd i`r llys.
Cyhoeddwyd gwarant i`w arestio fis Rhagfyr y llynedd.
Er gwaethaf ymholiadau gan yr heddlu ar draws y DU dyw David Hayes ddim wedi ei ddarganfod.
Bellach mae yna gred ei fod wedi teithio dramor, ac mae`r heddlu yn apelio am gymorth y cyhoedd i ddod o hyd iddo.
Dywedodd y Prif Arolygydd Dditectif Andrew Williams: "Dwi`n apelio ar unrhyw un sy`n gwybod lle mae David Daniel Hayes, neu sydd â gwybodaeth allai helpu`r heddlu i ddod o hyd iddo, i gysylltu gyda Heddlu Gogledd Cymru.
"Rwy` hefyd yn apelio ar Mr Hayes i gysylltu."
Mae Hayes wedi byw yn Sir Fôn, Llanrwst ac yng Ngwynedd yn y gorffenol.