Canslo digwyddiad oherwydd pryderon am ffliw adar

Mae digwyddiad dofednod yn Sir Benfro wedi ei ganslo oherwydd pryderon am ffliw adar.

Dywedodd Cymdeithas Dofednod Dyfed na fydd y Penwythnos Cenedlaethol Dofednod Cymru, sy'n ddigwyddiad blynyddol, yn cael ei gynnal eleni.

Y bwriad oedd cynnal y digwyddiad ar 14-15 Ionawr yn Hwlffordd.

Daw wedi i Ganolfan Gwlyptir Llanelli gau dros dro wedi i hwyaden gael ei darganfod gyda'r afiechyd. Mae'r ganolfan bellach wedi ailagor.

Dywedodd cadeirydd y gymdeithas, Alan Ralphs ei bod yn "siom enfawr" y bu'n rhaid canslo'r digwyddiad.