Rhybuddio pobl ifanc Sir Benfro am neidio i'r môr o uchder
- Cyhoeddwyd
Harbwr Dinbych y Pysgod
Mae pobl ifanc yn Sir Benfro yn cael eu rhybuddio i beidio â neidio i'r môr o uchder.
Mae digwyddiad wedi'i drefnu ddydd Gwener yn harbwr Dinbych y Pysgod i godi ymwybyddiaeth o'r peryglon.
Daw hyn yn dilyn cynnydd yn nifer y bobl sy'n cael eu gweld yn neidio i'r môr yn ddiweddar.
Dywedodd Nick Hudd o dîm ieuenctid Sir Benfro: "Mae neidio yn broblem yn Ninbych y Pysgod."
Mae'r weithred o neidio o uchder, sy'n cael ei alw'n 'tombstoning', wedi arwain at nifer o anafiadau a hyd yn oed marwolaethau ar hyd y Deyrnas Unedig.
Dywedodd Mr Hudd ei bod hi'n bwysig i gael "trafodaeth ddwy ffordd" ar y pwnc.
Ychwanegodd: "Rydym eisiau siarad gyda phobl ifanc i ddarganfod pam eu bod nhw'n gwneud hyn."