Cerddor o Fôn yn dathlu
- Cyhoeddwyd
Roedd hi'n noson fawr i'r cerddor, cynhyrchydd a pheirianydd sain o Ynys Môn, David Wrench neithiwr wrth i'r record wnaeth o ei chymysgu ennill Gwobr Mercury 2017.
Y cerddor Sampha enillodd y wobr am ei albwm Process.
Roedd y canwr byd-enwog Kanye West wedi cyfrannu at un o ganeuon yr albwm hefyd.
Sampha yn derbyn ei wobr yn y seremoni Gwobrau Mercury neithiwr
Mae David Wrench wedi gweithio gyda amryw o artistiaid Cymraeg gan gynnwys Yr Ods, Y Niwl, Gwyneth Glyn a Georgia Ruth.
Mae ei dad, Bob, yn adnabyddus hefyd fel hyfforddwr nifer o bencampwyr codi pwysau o Gymru. Enillodd Bob Wrench ei hun fedal efydd i Gymru yng Ngemau'r Gymanwlad yn 1974 cyn mynd yn ei flaen i sefydlu'r ganolfan codi pwysau lwyddiannus yng Nghaergybi.
Ar Instagram bore dydd Gwener 15 Medi fe anfonodd David Wrench neges i Sampha:
