Croesawu'r Alban yng Nghyfres yr Hydref yn 2018
- Cyhoeddwyd
Fe fydd Cymru yn wynebu'r Alban ar 3 Tachwedd
Mae Undeb Rygbi Cymru wedi cyhoeddi mai'r Alban fydd gwrthwynebwyr cyntaf Cymru yng Nghyfres yr Hydref yn 2018.
Fel rheol timau o hemisffer y de neu o ail ddosbarth hemisffer y gogledd sy'n cymryd rhan yn y gyfres pedair gêm gafodd ei sefydlu 17 o flynyddoedd yn ôl.
Fe fydd Cymru a'r Alban yn cystadlu am dlws newydd Cwpan Doddie Weir ar 3 Tachwedd.
Yn ystod penwythnos y gêm fe fydd yna nifer o ddigwyddiadau i godi arian ar gyfer Ymddiriedolaeth Doddie Weir.
Fe wnaeth Doddy Weir ennill 61 o gapiau dros yr Alban
Mae cyn-chwaraerwr yr Alban a'r Llewod yn dioddef o glefyd niwronau motor.
O ran Cyfres yr Hydref mae Cymru yn y gorffennol wedi wynebu Awstralia 12 gwaith, Seland Newydd 10, De Affrica wyth gwaith a'r Ariannin pum gwaith.
Maen nhw hefyd wedi chwarae yn erbyn Fiji, Rwmania, Canada, Samoa, Tonga, Japan a Georgia.