Dyn wedi marw ar ôl cael ei daro gan gerbyd ar yr M4
- Cyhoeddwyd
Bu lôn orllewinol yr M4 yn ardal Casnewydd ar gau am oriau
Mae dyn wedi marw ar ôl cael ei daro gan gerbyd ar lôn orllewinol yr M4 yn agos i dwneli Brynglas.
Cafodd y gwasanaethau brys eu galw am 5:10 fore Iau wedi adroddiadau bod gwrthdrawiad wedi bod rhwng sawl cerbyd a cherddwr.
Mae dau berson yn Ysbyty Brenhinol Gwent ond dyw eu hanafiadau ddim yn rhai sy'n peryglu eu bywydau.
Cafodd lôn orllewinol yr M4 ei chau am rai oriau wrth i'r gwasanaethau brys ddelio â'r digwyddiad, ond mae bellach wedi ailagor.
Fe achosodd y digwyddiad dagfeydd hir fore Iau