Medal efydd i Menna Fitzpatrick yn PyeongChang

Menna Fitzpatrick a Jen KehoeGetty Images

Menna Fitzpatrick (chwith) a'i harweinydd Jen Kehoe

Mae'r sgïwraig Menna Fitzpatrick a'i thywysydd Jen Kehoe wedi ennill medal efydd yng Ngemau Paralympaidd y Gaeaf yn PyeongChang yn Ne Korea.

Fe syrthiodd yr athletwraig 19 oed ddydd Sadwrn tra'n cymryd rhan yn un o'r cystadleuaeth sgïo eraill.

Ond fore Sul, fe guron nhw ddwy chwaer o Awstria er mwyn sicrhau'r fedal efydd.

Dyma ydy'r tro cyntaf i Fitzpatrick gystadlu yng Ngemau Paralympaidd y Gaeaf.

"Mae hi wedi bod yn 24 awr emosiynol," meddai. "Dwi ddim yn meddwl fy mod i erioed wedi crio cymaint tra'n sgïo.

"Roedd ddoe'n ddiwrnod siomedig iawn i'r ddwy ohonon ni, ond fe ddaethon ni nôl.

Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
Nid yw'r BBC yn gyfrifol am gynnwys safleoedd allanol
I osgoi neges X gan Menna and Jen

Caniatáu cynnwys X?

Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

"Roedd ennill medal Paralympaidd yn freuddwyd i mi a dwi mor falch a chyffrous ar gyfer gweddill yr wythnos hefyd."

Dim ond 5% o olwg sydd gan Fitzpatrick, ac mae hi'n sgïo y tu ôl i'w harweinydd, Jen Kehoe sy'n gwisgo crys llachar oren i'w chynorthwyo lawr y llethr.

Yn y cyfamser, daeth sgïwr arall o Gymru, Chris Lloyd, yn 25ain mewn cystadleuaeth sgïo arall ar y llethrau fore Sul.

Straeon perthnasol