Awyren gyntaf o Qatar yn glanio yng Nghymru

Qatar Airways Boeing 787 DreamlinerQatar Airways

Boeing 787 Dreamliner oedd yr awyren ar gyfer y daith gyntaf rhwng Doha a Chaerdydd

Mae'r awyren deithwyr gyntaf i deithio'n uniongyrchol rhwng Cymru a Qatar wedi glanio ym Maes Awyr Caerdydd ddydd Mawrth.

Gadawodd yr awyren Qatar Airways faes awyr Doha yn oriau man y bore.

Oherwydd trafferthion gyda chyflenwi awyrennau, bydd cwmni Qatar Airways yn rhedeg gwasanaeth cyfyngedig tan fis Mehefin.

Roedd y Prif Weinidog Carwyn Jones, Ysgrifennydd Cymru Alun Cairns a phrif weithredwr Qatar Airways, Akbar Al Baker i gyd yn teithio ar yr awyren gyntaf.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Carwyn Jones

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Dywedodd Mr Jones: "Mae'r gwasanaeth uniongyrchol newydd rhwng Caerdydd a Doha yn hwb anferthol i Gymru.

"Bydd yn agor cysylltiadau rhwng Cymru a gweddill y byd.

"Drwy ddarparu cysylltiad uniongyrchol i faes awyr Hamad International - y canolbwynt sy'n tyfu gyflymaf yn y byd - bydd hefyd yn dod â Chymru yn agosach at farchnadoedd mwyaf blaenllaw y byd fel India, China, Singapore ac Awstralasia."

Cafodd y llwybr teithio newydd ei gyhoeddi yn Ebrill 2017, ac mae disgwyl iddi gymryd tua saith awr.

Mae'n ychwanegol i wasanaethau Qatar i feysydd awyr Heathrow, Manceinion, Birmingham a Chaeredin.

Straeon perthnasol