Rhan o'r A487 ar gau i'r ddau gyfeiriad
- Cyhoeddwyd
Dywed yr heddlu bod ffordd yr A487 ar gau i'r ddau gyfeiriad wedi gwrthdrawiad difrifol ger tafarn y Cross Foxes.
Deallir bod car a lori yn gysylltiedig â'r gwrthdrawiad a ddigwyddodd rhwng ffyrdd yr A470 a'r B4405 oddeutu 17:15.
Mae cau y ffordd yn effeithio ar draffig rhwng Dolgellau a Machynlleth.
Mae Ambiwlans Gogledd Cymru wedi cadarnhau bod dau ddyn wedi cael eu cludo mewn hofrennydd i ysbyty Royal Stoke.