Cadarnhau dathliad Geraint Thomas yng Nghaerdydd

geraint thomasGetty Images

Bydd Geraint Thomas yn cael ei groesawu yn ôl i Gaerdydd mewn digwyddiad arbennig yn y brifddinas ddydd Iau.

Yn y Senedd mae'r dathliadau yn dechrau am 16:15, cyn gorffen tu allan i Gastell Caerdydd rhwng 17:00 a 17:30 ar 9 Awst.

Yn dilyn ei fuddugoliaeth yn y Tour de France, bydd y ddinas yn croesawu Thomas gartref fel y Cymro cyntaf i ennill ras feicio fwya'r byd.

Wrth gadarnhau'r dathliadau ar Twitter, dywedodd Thomas y byddai'n "fraint anhygoel" iddo gael bod yn rhan o'r dathliadau, a'i fod yn edrych ymlaen yn aruthrol.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Geraint Thomas

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

"Diolch yn fawr i Gyngor Caerdydd, Seiclo Cymru, Llywodraeth Cymru a Chynulliad Cenedlaethol Cymru am drefnu hyn!

"Dwi'n gobeithio gweld cyn gymaint â phosib ohonoch chi ddydd Iau nesaf!"

Cyn y prif ddigwyddiad cyhoeddus yng nghanol Caerdydd, bydd Thomas yn cael ei longyfarch yn ffurfiol ar ran y genedl gan y Prif Weinidog Carwyn Jones a Llywydd y Cynulliad Elin Jones.

Yna, bydd peloton o feicwyr ifanc o glybiau beicio amrywiol, yn seiclo i fyny Heol Eglwys Fair gyda Thomas cyn iddo gamu ar lwyfan i siarad â'r dorf tu fas i furiau'r castell.

TDF2018

Straeon perthnasol