Yr Uwch Gynghrair: Huddersfield 0-0 Caerdydd

Bu'n rhaid i Ben Hamer a Nathaniel Mendez-Laing adael y cae yn gynnar gydag anafiadau

Dyw Caerdydd dal ddim wedi sgorio gôl ers dychwelyd i'r Uwch Gynghrair yn dilyn eu hail gêm ddi-sgôr o'r bron.

Daeth Sean Morrison a Bobby Reid yn agos gyda chyfleoedd hwyr i'r Adar Gleision ar eu hymweliad â Huddersfield.

Bu'n rhaid i'r tîm cartref chwarae'r hanner awr olaf gyda 10 dyn yn dilyn cerdyn coch i'w capten Jonathan Hogg.

Mae'r canlyniad yn golygu bod Caerdydd yn codi i'r 14eg safle yn yr Uwch Gynghrair, gyda dau bwynt o'u tair gêm.