Uwch Gynghrair Lloegr: Caerdydd 2-3 Arsenal
- Cyhoeddwyd
Danny Ward wnaeth sgorio ail gôl Caerdydd
Er iddyn nhw sgorio'u goliau cyntaf ers dychwelyd i Uwch Gynghrair Lloegr, mae Caerdydd yn dal heb sicrhau buddugoliaeth ar ôl colli o 2-3 i Arsenal.
Er gwaethaf cychwyn addawol gan y tîm cartref, ac ambell i gamgymeriad gan golwr y gwrthwynebwyr, Petr Cech, Arsenal wnaeth sgorio gyntaf gyda gôl Shkodran Mustafi ar ôl 12 munud.
Roedd yna gyfloedd i'r ddwy ochor wedi hynny, er i Arsenal gael y rhan fwayf o'r meddiant nes i Victor Camarasa unioni'r sgôr ar ddiwedd yr hanner cyntaf.
Dyna oedd gôl gyntaf Caerdydd yn Uwch Gyngrhair Lloegr y tymor yma - 1,597 o ddiwrnodau ers eu gôl ddiwethaf ar y lefel uchaf.
Wedi 62 munud roedd Pierre-Emerick Aubameyang wedi rhoi Arsenal ar y blaen unwaith eto gydag ergyd gofiadwy o 20 llath.
Tarodd yr Adar Gleision yn ôl saith munud yn ddiweddarach diolch i beniad Danny Ward o gic rydd y capten, Sean Morrison.
Ond doedd dim taro'n ôl wedi i Arsenal fynd ar y blaen am y trydydd tro wedi 81 munud, gydag ergyd nerthol i gornel y rhwyd gan Alexandre Lacazette.