Cymru'n gwneud 14 newid i'r tîm fydd yn wynebu Tonga

Jonah HolmesGetty Images

Bydd Jonah Holmes yn gwneud ei ymddangosiad cyntaf ddydd Sadwrn

Mae Cymru wedi gwneud 14 newid i'r tîm i wynebu Tonga ddydd Sadwrn - gyda Dan Biggar a Liam Williams ymysg y rhai sy'n dychwelyd.

Bydd asgellwr Caerlŷr, Jonah Holmes, yn ennill ei gap cyntaf yn safle'r cefnwr, gyda'r clo Adam Beard yr unig un i gadw'i le o'r tîm oedd yn fuddugol yn erbyn Awstralia wythnos diwethaf.

Mae'r blaenasgellwr ifanc Aaron Wainwright yn dechrau yn y rheng-ôl, wrth ochr Seb Davies ac Ellis Jenkins, sy'n gapten.

Bydd Liam Williams, sy'n cychwyn ar yr asgell, yn ennill cap rhif 50.

Yn y rheng-flaen, bydd prop y Scarlets, Wyn Jones, yn dechrau gêm ryngwladol am y tro cyntaf.

Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter gan Welsh Rugby Union 🏉

Caniatáu cynnwys Twitter?

Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

Nid yw'r BBC yn gyfrifol am gynnwys safleoedd allanol

Dydy Cymru erioed wedi colli yn erbyn Tonga, a bydd y garfan yn hyderus o adeiladu ar fuddugoliaethau yn erbyn Yr Alban ac Awstralia yng Nghyfres yr Hydref eleni.

Os fydd Cymru'n ennill yn Stadiwm Principality ddydd Sadwrn, byddan nhw'n sicrhau wythfed fuddugoliaeth yn olynol.

Presentational grey line

Tîm Cymru i herio Tonga

Jonah Holmes; Liam Williams, Tyler Morgan, Owen Watkin, Steff Evans; Dan Biggar, Tomos Williams; Wyn Jones, Elliot Dee, Leon Brown, Jake Ball, Adam Beard, Aaron Wainwright, Ellis Jenkins (c), Seb Davies.

Eilyddion: Ryan Elias, Rob Evans, Tomas Francis, Cory Hill, Ross Moriarty, Aled Davies, Rhys Patchell, Josh Adams.

Straeon perthnasol