Y Dreigiau'n diswyddo'u prif hyfforddwr Bernard Jackman

Mae'r Dreigiau wedi diswyddo eu prif hyfforddwr Bernard Jackman yn dilyn dechreuad siomedig i'w tymor.

Cafodd Jackman ei benodi fel olynydd Kingsley Jones ym mis Mehefin 2017, ond gorffennodd y rhanbarth yn chweched allan o saith yn Adran B y Pro14 yn ei dymor cyntaf.

Dros yr haf eleni cafodd nifer o chwaraewyr uchel eu proffil eu harwyddo, gan gynnwys Ross Moriarty, Richard Hibbard ac Aaron Jarvis.

Ond maen nhw ar waelodion eu hadran yn y Pro14 unwaith eto eleni, a hefyd ond wedi ennill un o'u tair gêm hyd yn hyn yng Nghwpan Her Ewrop.

Mae Jackman yn gadael y Dreigiau gyda dros 18 mis yn weddill o'i gytundeb tair blynedd.

Dyw'r rhanbarth heb gyhoeddi eto pwy fydd olynydd y Gwyddel.