Corff dynes wedi ei ddarganfod mewn tŷ ger Y Bala

Cafodd yr heddlu eu galw am 05:30 ddydd Mawrth.

Mae Heddlu Gogledd Cymru wedi lansio ymchwiliad ar ôl i gorff dynes gael ei ddarganfod ger Y Bala.

Cafodd yr heddlu eu galw i gyfeiriad ar lannau Llyn Tegid am 05:30 ddydd Mawrth.

Cadarnhaodd y llu bod dyn ifanc yn helpu gyda'r ymholiadau a bod disgwyl cynnal ymchwiliad post mortem ddydd Mercher.

Dywedodd yr uwch-arolygydd dros dro, Neil Harrison, eu bod nhw'n cydymdeimlo â theulu a ffrindiau'r ddynes.

Mae teulu'r ddynes wedi cael gwybod ac mae'r ymchwiliad yn parhau.