Heddlu'r De yn darganfod corff ym Mro Morgannwg

Mae Elin Boyle wedi bod ar goll ers nos Fawrth

Mae Heddlu De Cymru wedi cadarnhau eu bod nhw wedi darganfod corff ym Mro Morgannwg.

Cafodd y gwasanaethau brys eu galw i Nash Point ar arfordir Bro Morgannwg fore Sul.

Nid yw'r corff wedi cael ei adnabod yn swyddogol hyd yma ond dywedodd yr heddlu bod teulu dynes o Gaerdydd sydd wedi bod ar goll wedi cael gwybod am y datblygiadau diweddaraf.

Mae'r heddlu wedi bod yn pryderu am ddiogelwch Elin Boyle, 43 oed o ardal Danescourt, Caerdydd gan nad oes neb wedi ei gweld ers nos Fawrth.

Mae Ms Boyle yn athrawes yn Ysgol Plasmawr yng Nghaerdydd.