Gêm gyfeillgar: Cymru 0-0 Y Weriniaeth Tsiec

Roedd Loren Dykes yn ennill ei 100fed cap nos Iau

Roedd hi'n noson rwystredig i dîm pêl-droed merched Cymru wrth iddyn nhw gael eu cadw i gêm ddi-sgôr gyda'r Weriniaeth Tsiec yng Nghasnewydd.

Ond noson i roi teyrnged i Loren Dykes oedd hi, gyda'r amddiffynnwr yn sicrhau ei lle fel yr ail chwaraewr yr unig i ennill 100 o gapiau rhyngwladol dros Gymru.

Hi oedd y capten hefyd o flaen y dorf o 2,168 o gefnogwyr yn Rodney Parade - y mwyaf erioed i gêm gyfeillgar merched Cymru.

Fe wnaeth Cymru greu digon o gyfleoedd i sicrhau buddugoliaeth, ond doedd safon yr ergydio ddim yn ddigon cywir.