Ethol arweinydd dros dro i Gyngor Sir y Fflint

Mae'r Cynghorydd Ian Roberts wedi cynrychioli ei ardal ers yr 1980au

Mae'r cynghorydd Llafur Ian Roberts wedi cael ei ethol fel arweinydd dros dro Cyngor Sir y Fflint.

Bydd yn cymryd yr awenau fel arweinydd nes y bydd cyfarfod blynyddol y cyngor yn cael ei gynnal ar 7 Mai.

Roedd 60 o gynghorwyr yn bresennol ar gyfer y bleidlais ddydd Mawrth, gyda 56 yn pleidleisio dros y Cynghorydd Roberts a phedwar yn atal eu pleidlais.

Does dim dirprwy arweinydd wedi'i benodi hyd yma.

• Arweinydd cyngor yn ymddiswyddo wedi ffrae

• Arweinydd cyngor yn diswyddo ei ddirprwy

Bydd y Cynghorydd Roberts yn olynu Aaron Shotton, wnaeth ymddiswyddo'r wythnos ddiwethaf yn dilyn ffrae am ddiswyddiad ei ddirprwy, Bernie Attride.

Mae Mr Roberts, cynghorydd ward Castell y Fflint, wedi cynrychioli ei ardal ers yr 1980au, yn gyntaf fel cynghorydd tref cyn cael ei ethol i'r cyngor sir yn 1992.