PRO14: Connacht 29-22 Gleision
- Cyhoeddwyd
Jack Carty yn croesi i Connacht
Fe wnaeth Connacht sicrhau eu lle yn gemau ail gyfle y Pro14 ar draul y Gleision gyda buddugoliaeth yn Galway.
Daeth 14 pwynt o esgid Jack Carty a chais yr un i Gavin Thornbury, Caolin Blade a Matt Healy.
Golygai'r canlyniad fod y tîm gartref yn sicr o'r trydydd safle yn Adran A.
Daeth ceisau y Gleision diolch i Owen Lane, Josh Turnbull a Jason Harries.
Ond roedd penderfyniad y TMO i wrthod cais arall i Harries yn allweddol.
Fe fydd y Gleision nawr yn cystadlu gyda'r Gweilch i orffen yn bedwerydd, a sicrhau safle rhif pedwar yn yr Adran a chyfle felly am gêm ail gyfle ar gyfer lle yn Nghwmpan Pencampwyr Ewrop.