Canfod corff gleidiwr ym Mlaenau Ffestiniog

Mae Heddlu'r Gogledd wedi cyhoeddi bod corff wedi ei ganfod, wedi i gleidiwr fethu â dychwelyd o daith nos Sadwrn.

Cafodd timau eu hanfon allan i chwilio, gan ddod o hyd i'r gleider a chorff unigolyn yn ardal Blaenau Ffestiniog.

Mae Uned Ymchwilio i Ddamweiniau Awyr yn bresennol ar y safle ar hyn o bryd er mwyn canfod mwy am yr hyn sydd wedi digwydd.