Gwrthdrawiad beic modur yn cau'r A55 ar Ynys Môn

Bu'r brif ffordd trwy Ynys Môn ynghau am rai oriau ddydd Llun yn dilyn gwrthdrawiad beic modur.

Fe ddigwyddodd y gwrthdrawiad ar yr A55 i gyfeiriad y gorllewin rhwng Llanfairpwll a Gaerwen ychydig cyn 14:30.

Roedd y ffordd, sy'n cysylltu Ynys Môn â'r tir mawr, ynghau i'r ddau gyfeiriad cyn i'r ffordd am y dwyrain ailagor am tua 16:15, ac yna'r lôn orllewinol toc cyn 18:00.

Dywedodd Heddlu Gogledd Cymru bod person wedi cael eu hedfan i'r ysbyty yn dilyn y digwyddiad.