Beiciwr wedi marw ar ôl gwrthdrawiad cynaeafydd Rhuthun
- Cyhoeddwyd
Cafodd yr heddlu eu galw i'r A525 ger Coleg Llysfasi
Mae Heddlu Gogledd Cymru wedi cadarnhau fod beiciwr modur wedi marw yn dilyn gwrthdrawiad gyda pheiriant amaethyddol ar ffordd Nant y Garth ger Rhuthun ddydd Sul.
Fe gafodd yr heddlu eu galw i'r A525 ger Coleg Llysfasi am 13:10.
Mae'r heddlu yn apelio am dystion i'r gwrthdrawiad rhwng cynaeafydd a beic modur.
Dywedodd Sarjant Nicola Grimes-Williams fod y dyn wedi marw yn safle'r ddamwain.
"Mae ein meddyliau gyda theulu a ffrindiau'r dyn ar yr amser anodd yma," meddai.