Heddlu'n ymchwilio i farwolaeth heb ei hesbonio yn Abercarn
- Cyhoeddwyd
Cafodd y gwasanaethau brys eu galw i Hill Street yn Abercarn nos Iau
Mae'r heddlu'n ymchwilio i farwolaeth sydd heb ei hesbonio ar ôl i gorff dyn gael ei ddarganfod yn Sir Caerffili.
Dywedodd Heddlu Gwent bod y gwasanaethau brys wedi eu galw i gartref yn Abercarn am 23:10 nos Iau.
Dywedodd swyddogion nad yw achos y farwolaeth wedi ei gadarnhau hyd yma. Mae ei deulu wedi cael gwybod.
Mae'r heddlu'n apelio am wybodaeth am y digwyddiad, a dylai unrhyw un sydd â gwybodaeth gysylltu gyda nhw ar 101.