Gwasanaeth i gofio 85 mlynedd ers trychineb Gresffordd

Golgyfa o'r awyr wrth i bobl ddisgwyl am newyddion wedi'r ffrwydiad ym Medi 1934

Bydd gwasanaeth yn cael ei gynnal ddydd Sul I gofio 85 mlynedd ers trychineb glofaol yng Ngresffordd ble cafodd 266 o ddynion eu lladd.

Fe ffrwydrodd pwll glo Gresffordd ar 22 Medi 1934 gan adael 200 o wragedd gweddw a channoedd o blant heb dad.

Bydd y gwasanaeth blynyddol yn cael ei gynnal ym Mhandy am 11:00.

• Trychineb Gresffordd mewn lluniau

• Cofio trychineb Gresffordd

• Y ffenest a'r drychineb

Mae cymdeithas Ffrindiau Trychineb Pwll Glo Gresffordd wedi cadarnhau bydd plant ysgol leol ymysg y rhai fydd y n cymryd rhan yn y gwasanaeth.

Mae enw 266 o ddynion a fu farw yn y ffrwydrad i'w gweld ar gofeb yng Ngresffordd

Dywedodd Cadeirydd y grŵp, Alun Jones fod y glowyr wedi "rhoi eu bywydau a'i hiechyd i'r diwydiant.

"Dylai plant ysgol fod yn ymwybodol o'u treftadaeth," meddai.

Yn dilyn y trychineb roedd bron pob cymuned yn sir Wrecsam wedi colli aelod o'u teulu.

Dim ond chwe glöwr lwyddodd i ddianc o'r tân, ac ni chafodd dros 253 o gyrff eu darganfod.

Ychwanegodd Mr Jones: "Ni ddyliwn byth anghofio'r rhai a gollodd eu bywydau'r diwrnod hwnnw."