Dyn yn gwadu llofruddio'i gariad yn eu fflat yng Nghaerdydd

Lauren GriffithsLlun teulu

Cafodd corff Lauren Griffiths ei ganfod mewn fflat yn ardal Cathays ar 30 Ebrill eleni

Mae dyn 22 oed wedi gwadu llofruddio ei gariad a gafodd ei chanfod yn farw yn eu fflat yng Nghaerdydd.

Ymddangosodd Madog Llewellyn Rowlands yn Llys y Goron Caerdydd ddydd Iau ar gyhuddiad o lofruddio Lauren Griffiths, 21, ym mis Ebrill.

Fe blediodd Rowlands, o Wrecsam, yn ddieuog i un cyhuddiad o lofruddiaeth.

Yn dilyn ei marwolaeth, fe wnaeth teulu Ms Griffiths roi teyrnged i'w "merch brydferth oedd llawn bywyd".

Bydd achos llys yn cael ei gynnal dros gyfnod o dair wythnos ym mis Ebrill 2020.

Cafodd ei gadw yn y ddalfa.