Cwpan y Pencampwyr: Gweilch 19-40 Racing 92
- Cyhoeddwyd
Fe gafodd Dan Evans ei anfon o'r maes wedi 37 eiliad
Fe gollodd y Gweilch yn erbyn Racing 92 yng nghwpan y Pencampwyr ar ôl colli dyn llai na munud fewn i'r gêm.
Wedi 37 eiliad fe gafodd Dan Evans ei anfon o'r maes ar ôl i'w droed wneud cysylltiad â phen Teddy Thomas wrth iddo ddal y bêl.
Er i'r Gweilch fynd ar y blaen diolch i gais gan Hanno Dirsken, roedd pedwar cais Racing yn ddigon i sicrhau buddugoliaeth gyfforddus iddyn nhw.
Thomas sgoriodd ddau o'r ceisiau hynny cyn hanner amser gyda'r sgôr ar yr egwyl yn 28-7.
Fe frwydrodd y Gweilch yn ôl gyda cheisiau gan Ma'afu Fia ac Aled Davies, ond fe ychwanegodd Racing ddau gais arall at eu cyfanswm cyn diwedd y gêm.