Pro14: Dreigiau 22-20 Scarlets
- Cyhoeddwyd
Fe giciodd Sam Davies gôl adlam gyda chic ola'r gêm i sicrhau buddugoliaeth gofiadwy i'r Dreigiau yn erbyn y Scarlets yn y Pro14 nos Sadwrn.
Roedd Leigh Halfpenny yn meddwl ei fod wedi gwneud digon i ennill yr ornest i'r Scarlets gyda chic gosb hwyr mewn amodau anodd ar Rodney Parade.
Fe gafodd Sam Davies gyfle i gipio'r pwyntiau i'r tîm cartref yn fuan wedi hynny gyda chic gosb, ond fe dynnodd ei gic heibio'r postyn.
Ond gyda'r cloc wedi mynd heibio'r 80 munud, fe wnaeth yn iawn am hynny gyda chic adlam wych i sbarduno dathliadau'n y glaw.
Y chwaraewyr rhyngwladol yn rhengoedd yr ymwelwyr sgoriodd y ceisiau, gyda Gareth Davies a Ken Owens yn croesi.
Rhodri Williams sgoriodd unig gais y Dreigiau, gyda'r maswr Sam Davies yn sgorio gweddill y pwyntiau.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.