Dyn wedi marw yn dilyn tân mewn tŷ ym Mae Colwyn
- Cyhoeddwyd
Cafodd y gwasanaeth tân ei alw i'r digwyddiad ar Ffordd Greenfield toc wedi 10:15
Mae dyn 52 oed wedi marw yn dilyn tân mewn tŷ ym Mae Colwyn fore Mawrth.
Cafodd Gwasanaeth Tân ac Achub Gogledd Cymru ei alw i'r digwyddiad ar Ffordd Greenfield toc wedi 10:15.
Fe gafodd diffoddwyr eu gyrru yno o orsafoedd Bae Colwyn, Abergele a Llandudno ond cafodd corff y dyn ei ganfod yn yr adeilad.
Dywedodd y gwasanaeth tân y byddan nhw'n cynnal ymchwiliad i'r digwyddiad ar y cyd â Heddlu Gogledd Cymru.