Penodi Glenn Delaney yn brif hyfforddwr y Scarlets

Fe wnaeth Glenn Delaney ymuno â'r Scarlets fel hyfforddwr amddiffyn ym mis Mai 2019

Bydd y Scarlets yn dyrchafu eu hyfforddwr amddiffyn, Glenn Delaney i olynu Brad Mooar fel prif hyfforddwr ar gyfer tymor 2020-21.

Bydd Delaney, o Seland Newydd, yn camu i'r rôl wedi i Mooar adael i ymuno â thîm hyfforddi'r Crysau Duon ar ddiwedd y tymor.

Fe wnaeth Delaney ymuno â'r Scarlets fel hyfforddwr amddiffyn ym mis Mai 2019 wedi i Byron Hayward ymuno â Wayne Pivac gyda Chymru.

Mae Delaney wedi bod yn brif hyfforddwr ar Wyddelod Llundain yn y gorffennol.

Dywedodd ei fod "wrth fy modd o gael y cyfle i arwain rhanbarth gwych gyda hanes anferth".