Dyn, 21, wedi marw mewn gwrthdrawiad ger Tredegar
- Cyhoeddwyd
Bu farw Dylan Sullivan o ardal Brynmawr yn y gwrthdrawiad ddydd Sul
Mae dyn 21 oed wedi marw mewn gwrthdrawiad ar ffordd Blaenau'r Cymoedd fore Sul.
Cafodd y gwasanaethau brys eu galw i ffordd yr A465 ger Tredegar am 01:15 ddydd Sul 8 Mawrth.
Roedd dau o bobl yn y car Volkswagen Polo gwyn ar y pryd, a bu farw dyn Dylan Sullivan o ardal Brynmawr yn y fan a'r lle.
Cafodd dyn 22 oed o Blaina ei arestio ar amheuaeth o achosi marwolaeth drwy yrru'n beryglus.
Mae'r dyn bellach wedi cael ei ryddhau tra bod ymchwiliad yr heddlu'n parhau.
Fe wnaeth teulu Mr Sullivan ei ddisgrifio fel "mab anhygoel, brawd cariadus, ewythr caredig, aelod balch o'r teulu a ffrind gwych".