Dyn yn marw ar ôl mynd i drafferthion yn Llyn Tegid

Y gwasanaethau brys ar lannau Llyn Tegid wedi'r digwyddiad

Dywed Heddlu'r Gogledd bod dyn wedi marw yn yr ysbyty wedi iddo fynd i drafferthion yn Llyn Tegid, Y Bala brynhawn Iau.

Cafodd y gwasanaethau brys eu galw tua 16:50.

Cafodd y dyn, a gredir o fod yn dod o'r gogledd, ei dynnu o'r dŵr a'i gludo i Ysbyty Gwynedd mewn ambiwlans awyr.

Dyw'r farwolaeth ddim yn cael ei thrin fel un amheus.

Mae teulu'r dyn wedi cael gwybod am y digwyddiad.