Canfod corff dyn o ardal Treffynnon yn Afon Dyfrdwy

Roedd adroddiadau ddydd Gwener bod dyn ar goll yn Nociau Maes-glas ger Treffynnon

Mae timau sydd wedi bod yn chwilio am ddyn aeth ar goll yn Afon Dyfrdwy ar arfordir Sir y Fflint wedi dod o hyd i gorff.

Ddydd Gwener roedd adroddiadau bod y dyn wedi diflannu o'i gwch yn Nociau Maes-glas ger Treffynnon am oddeutu 18.30.

Mae teulu'r dyn 52 oed, a oedd yn byw yn lleol, wedi cael gwybod ond nid yw ei enw wedi ei gyhoeddi hyd yma.

Dywed Heddlu'r Gogledd bod y crwner hefyd wedi'i hysbysu.