Cymru'n ennill Cwpan Dartiau'r Byd am y tro cyntaf
- Cyhoeddwyd
Jonny Clayton ar ôl ennill cwpan y byd dartiau
Mae Cymru wedi ennill Cwpan Dartiau'r Byd am y tro cyntaf ar ôl trechu'r ffefrynnau, Lloegr yn Awstria nos Sul.
Llwyddodd Gerwyn Price a Jonny Clayton i drechu Michael Smith a Rob Cross o 3-0 i ennill y rownd derfynol.
Mae Cymru wedi llwyddo i gyrraedd y rownd derfynol ddwywaith o'r blaen, ond colli oedd eu hanes yn 2010 a 2017.
Llwyddodd Gerwyn Price a Jonny Clayton i drechu Lloegr i ennill y rownd derfynol
"Fi yw'r dyn mwyaf balch yn y byd ar hyn o bryd," meddai Clayton wedi'r fuddugoliaeth.
"I chwarae gyda'r chwaraewr grêt yma - y gorau yn y byd ar y funud - mae'n wych.
Ychwanegodd Price: "Mae ennill hon i Gymru yn golygu lot."