Pro14: Benetton 19-26 Dreigiau

Epalahame Faiva o Benetton yn cael ei daclo gan Adam Warren o'r Dreigiau

Buddugoliaeth i'r Dreigiau bu'r hanes dydd Sul yng nghystadleuaeth y Pro14 ar ôl colli pedair wythnos o chwarae'n gystadleuol.

Cafodd tri o gemau'r Dreigiau eu gohirio a bu'n rhaid iddyn nhw stopio ymarferion am bythefnos ar ôl i saith achos o Covid-19 ymddangos ym mis Tachwedd.

Er gwaethaf hyn, sicrhaodd ceisiadau Ashton Hewitt, Jamie Roberts a Rhodri Williams a chiciau Sam Davies buddugoliaeth i'r tîm yn Nhrefiso.

Cyn i achosion o Covid ymddangos, ennillodd y Dreigiau un gêm Pro14 yn erbyn tîm Zebre y tymor hwn, ar ôl colli i dimoedd Leinster, Ulster a Munster.

Dydy Benetton heb ennill gem yn y gynghrair y tymor hwn.

Cafodd dwy o gemau Benetton eu gohirio a chollon nhw 24-22 i'r Gweilch yn Abertawe'r penwythnos diwethaf.