Dyn wedi ei gyhuddo o lofruddiaeth menyw 74 oed

Swyddogion Heddlu Gwent yn cynnal archwiliadau yn y tŷ yn Sebastopol dros y penwythnos

Mae dyn 70 oed wedi cael ei gyhuddo o lofruddio menyw yn Nhorfaen.

Cafwyd hyd i Linda Maggs, 74, yn "anymatebol" mewn eiddo ym mhentref Sebastopol, ger Pont-y-Pŵl tua 09:20 fore Sadwrn, ac fe gadarnhaodd parafeddygon ei bod wedi marw.

Cafodd dyn o ardal Cwmbrân ei gyhuddo o lofruddiaeth nos Sul.

Mae disgwyl iddo fynd o fynd o flaen Llys Ynadon Casnewydd ddydd Llun.

Mae Heddlu Gwent yn parhau â'u hymholiadau i'r achos ac yn apelio i'r cyhoedd am wybodaeth.