Y Gynghrair Genedlaethol: Halifax Town 0-4 Wrecsam

Sgoriodd Jordan Davies hat-tric i Wrecsam yn ystod hanner cyntaf rhyfeddol yn erbyn tîm a ddechreuodd y noson safle uwch eu pennau yn nhabl y Gynghrair Genedlaethol.

Cyn y gic gyntaf nos Fawrth, roedd Halifax yn seithfed, triphwynt uwchben Wrecsam, gyda gêm yn weddill.

Ond tîm Dean Keates sy'n seithfed bellach, ar wahaniaeth goliau - y ddau dîm â'r un nifer o bwyntiau, sef 50.

Daeth gôl gyntaf Davies wedi pedair munud o chwarae, a'r ail wedi 32 o funudau. Sgoriodd Dior Angus dair munud wedi hynny, cyn i Davies wneud hi'n yn 0-4 wedi 35 o funudau.

Roedd hynny'n ddigon i sicrhau buddugoliaeth i Wrecsam yn Stadiwm MBi Shay, a hynny ar ôl colli teirgwaith o'r bron yn y gynghrair.