Lluniau: Diwrnod gwerthu ym Mart Dolgellau

Mae Mart Dolgellau yn fan ble mae cannoedd yn ymgynnull yn wythnosol, i werthu, prynu a thrafod materion y byd amaeth.

Mae'r Mart ar gyrion Dolgellau ar y ffordd tuag at Y Bala, ac o'r Mart gellir gweld Cader Idris, Mynydd Moel a'r bryniau eraill cyfagos sy'n amgylchynu'r dref.

Daw Mari Lloyd o ardal Trawsfynydd yn Sir Feirionnydd, ac mae hi'n ffotograffydd ifanc sy'n ymddiddori yn y byd amaethyddol a chefn gwlad.

Yma mae casgliad o luniau gan Mari o'r Mart yn Nolgellau, sy'n gyfuniad o'r amaethwyr a'r anifeiliaid sy'n gwneud y lle'n fan gwbl unigryw.