Cludo person i'r ysbyty wedi digwyddiad yn Nhywyn
- Cyhoeddwyd
Cafodd y gwasanaethau brys eu galw wedi i berson fynd i drafferthion yn y dyfroedd ger Tywyn
Mae person wedi cael ei gludo i'r ysbyty mewn ambiwlans awyr yn dilyn digwyddiad oddi ar arfordir Tywyn yng Ngwynedd.
Cafodd gwylwyr y glannau ac achubwyr o Aberdyfi eu galw am tua 12:30 brynhawn Sul i'r digwyddiad ger Parc Carafanau Penllyn.
Dywedodd llefarydd ar ran yr Asiantaeth Forwrol a Gwylwyr y Glannau eu bod wedi codi un person o'r môr.
Cafodd y person ei gludo mewn hofrennydd i Ysbyty Bronglais yn Aberystwyth, ond does dim rhagor o wybodaeth am gyflwr yr unigolyn hyd yma.